මිනිස්සුන්ට උදව් කරලා ෆොටෝ ගන්නම ඕනෙද ???

ජීවිතේට පාඩමක්...............................

1910 අවුරුද්දේ එක දවසක ඇමරිකාවේ ධනවත් ව්‍යාපාරිකයෙක් ව්‍යාපාරික කටයුත්තක් සඳහා වෙනත් නගරයකට යමින් හිටියා.මේ ව්‍යාපාරිකයාගේ රියදුරා වුනේ "වුඩ් මැකී" කියල කෙනෙක්.

ඉතින් මේ දෙන්නා අතරමගදී දිවා ආහාරය සඳහා වාහනය නවත්තලා සැන්ඩ්විච් කමින් සිටියා.මෙහෙම ඉන්න වෙලාවේදී ඒ ප්‍රදේශයේ හිටපු පොඩි කොලු රංචුවක් පරණ ටයර් වගයක් පෙරලමින් සෙල්ලම් කරමින් ඒ මේ අත දුව යමින් උන්නා.ඉතින් මේ කොලු රංචුව අර කලින් කිව්ව ව්‍යාපාරිකයාගේ වාහනය ගාවිනුත් ටයර් පෙරමලමින් දුවගෙන ගියා.ව්‍යාපාරකයත් ,රියදුරත් මේ පුංචි එවුන්ගේ සෙල්ලම දිහා බලාගෙන හිටියා.
හැබැයි ඒ අතරින් එක ළමයෙක් ගාව මේ ව්‍යාපාරිකයාගේ ඇස නැවතුනා.ඒ ළමයි අනික් අයට වඩා ටිකක් වෙනස්.වෙනස් කියන්නේ එයා ආබාධිතයි.කකුලෙ පොඩි ඇදයක් තියෙනවා.ඒ නිසා අනික් ළමයි එක්ක එක පිම්මට එහෙ මෙහෙ දුවලා සෙල්ලම් අරන්න එයාබ බැහැ.ඉතින් අනික් ළමයි ටයර් පෙරලමින් දුවද්දී මේ ආබාධිත ළමයා හෙමීට කොරගසමින් පිටිපස්සෙන් ඇවිදගෙන ගියා.

ඉතින් මේ ව්‍යාපාරිකයා තමන්ගේ වාහනෙන් බැහැලා අර කොර ගසමින් ඇවිදින පිරිමි ළමය ගාවට ගියා.ගිහින් ඒ ළමයගෙන් විස්තර ඇහුවා.ජිම් නම් වූ වයස අවුරුදු 8ක් වුන මේ පොඩි පිරිමි ළමයට කකුලෙ ඇදය නිසා අනික් ළමයි එක්ක දුවල පැනල සෙල්ලම් කරන්න බැරි බවත් කකුලෙ හැඩේට ගැලපෙන්න සපත්තු කපන්න වෙන බවත් දැනගත්තා.

ඒ දෙබස එතනින් ඉවර ඉවර වුනා.ව්‍යාපාරිකයා තමන්ගේ කටයුත්ත බලා පිටත් වුනා.ළමයා අනික් ළමයි එක්ක ආයෙම සෙල්ලමේ.

ඊට පැය කීපයකට පස්සේ "වුඩ් මැකී" නම් වුන අර ව්‍යාපාරිකයාගේ රියදුරා ජිම් නම් වයස අවුරුදු 8ක ආබාධිත පිරිමි ළමයා සොයාගෙන මේ ප්‍රදේශයට ආයෙම ආවා.ඖෂධ සැලකින් අදාල ළමයගේ ලිපිනය හොයාගෙන එයාලගේ ගෙදරට ගියා.ගිහින් තමන් ධනවත් මහත්මයෙකුගේ නියෝජිතයෙක් බවත් අනන්‍යතාව හෙලිකිරීමට අකමැති තමන්ගේ හාම්පුතා පුංචි ජිම්ගෙ ආබාධිත පාදය සුවකර දීමට කැමැත්තෙන් පසුවන බවත් පැවසුවා.ඉතින් එතනදී ඇතිකරගත්තු එකඟතාව අනුව වෙනත් ප්‍රාන්තයක තියෙන සුඛෝපභෝගී රෝහලක ජිම්ව යොමු කරනවා.
සැත්කම සාර්තකව නිමා කරලා සුව වුන ජිම්ව ආපහු එයාගේ ගෙදරටම එක්කන් යනවා.දැන් ජිම්ට ඇවිදින්න පුළුවන්.ඒ නිසා එයත් එයාගේ පවුලේ අයත් කලින් කවදාවත් අත්නොහැකපු තරම් සතුටකින්.මේ හැම දෙයකම තිරය උඩ පෙනී සිටි කෙනා වුනේ වුඩ් මැකී නම් රියදුරා.ඒත් තිරය පිටිපස්සේ හිටියේ ඔක්කොම මූල්‍ය අනුග්‍රහයන් දැරුවේ වුඩ්ගේ හාම්පුතා වුන අර ධනවත් ව්‍යාපාරිකයා.සැත්කම සාර්තක වුන බවත් ජිම් නම් කොලුවා දැන් සතුටෙන් දුව පැන සෙල්ලම් කරනවා කියලත් දැනගත් මේ ධානපතියා ජිම් සහ පවුල වෙනුවෙන් තවත් දෙයක් කරන්න තීරණය කරා.වුඩ්ව ආපහු ජිම්ගේ ගෙදරට යවලා ඊලඟ නත්තලට ජිම්ගේ පවුලේ ඔක්කොටම අවශ්‍යය සපත්තු අරන් දුන්නා.ඒක තමයි ජිම් සහ පවුල වෙනුවෙන් මේ නම් ගම් නොකී අප්‍රකට ධානපතියා කරපු අවසාන පරිත්‍යාගය.ඒ ජිම්ලා කාගෙවත් මත යැපෙන්නන් වෙනව දකින්න ඔහු තුල තිබුන අකමැත්ත නිසයි.

ඉතින් අවුරුදු ගානකට පස්සේ මේ ජිම් කියන ළමයා සාර්තක ව්‍යාපාරිකයෙක් වෙනවා.ඒත් තමන්ගේ ජීවිතය සම්පුර්ණයෙන්ම වෙනස් කරපු ඒ අත්භූත ධානපතියා කවුරුන්දැයි ජිම් කවදාවත් දැනගන්න ලැබෙන්නේ නැහැ.ඒක ජිම්ට සදාකාලික රහසක් වුනා.
ඇත්තටම කවුද මේ ධානපතියා..?? එයා තමයි "ෆෝඩ්"(Ford) මෝටර් රථ සමාගමේ නිර්මාතෘ වගේම ඒකෙ අයිතිකාරයත් වුන කෝටිපති ව්‍යාපරික "හෙන්රි ෆෝඩ්".

හෙන්රි ෆෝඩ් තමන්ගේ ජීවිත කාලය පුරාම මේ වගේ අප්‍රකට , අප්‍රසිද්ධ ධන පරිත්‍යාගය කරල තියෙනවා.ඒක තමයි එතුමාගේ ආත්ම තෘප්තිය වුනේ.

" මුදල් ඉපයීම පමණක් සිදුකරන ව්‍යාපරයක් කියන්නේ දුප්පත් ව්‍යාපාරයක්"..එහෙම තමා හෙන්රි ෆෝඩ් කිව්වේ.හෙන්රි ෆෝඩ් මුදල් හම්බ කරා ඒවා වියදම් කරා අසරණ මිනිස්සුන්ට පරිත්‍යාග කරා ,උදව් උපකාර කරා.ඒත් චායාරූප අරන් ප්‍රසිද්ධ කරේ නෑ.පත්තර සඟරා වල දාලා ජනප්‍රිය වෙන්න උත්සහ කරේ නෑ.ඒ ජනප්‍රියත්වය සහ අව්‍යාජ සතුට එතුමාව හොයාගෙන ආවා.

ඕනම කෙනෙක් ආර්මාර්තකාමි නොවිය යුතුයි.පරාර්තකාමී වියයුතුයි.සතුට සහ ආදරය බෙදාගන්න ඕනේ.අනෙකා වෙනුවෙන්  සේවය කරන්න පුරුදු වෙන්න ඕනේ.
හැබැයි උදාර මිනිසෙක් වගේ නිහඬවම.නිහතමානීව...
හරියට හෙන්රි ෆෝඩ් වගේ..

|Letterconik
|19-04-2020